Силен аплауз за Тоше на Сунчане скале
Според
најавите, синоќа на првата вечер на фестивалот Сунчане скале, во Херцег
Нови, во програмата Принчеве награде, специјалното признание за животно
дело постхумно му беше доделено на нашиот легендарен музичар Тоше
Проески.
Замина млад, но остави многу зад себе, а
присутните на Канли кулата се уште се сеќаваат како ги разнежи со
извонредните балади Тајно моја и Сонце во твоите руси коси – кажаа
водителите во воведниот збор, по што присутните со силен аплауз ја
поздравија одлуката на дирекцијата на фестивалот. Во име на
семејството, статуетката за животно дело ја презеде македонскиот
амбасадор во Црна Гора, неговата екселенција Стефан Николовски.
Освен
специјалното признание за Тоше, никој од македонските изведувачи, кои
беа номинирани за некоја од Принчевите награди, не ја доби статуетката.
Во категорија дует, во која беа номинирани Тијана и Владо Јаневски,
наградата ја добија Алекса Јелиќ и Ана Штајдохар. Елена Ристеска, која
беше номинирана во две категории – албум на годината и женска
интерпретација, не се искачи на победничкиот трон, а наградите отидоа
во рацете на Сергеј Ќетковиќ, односно Нина Бадриќ. Во категоријата
аранжман на годината беше номиниран Никша Братош, за аранжманот во Игра
без граница на Тоше Проески, но наградата ја добија Енис Кинг и Кнез.
Uto Jul 08, 2008 1:56 am
